კანონპროექტით, საარჩევნო წელს პოლიტიკური პარტიების საარჩევნო კამპანიის ფინანსური მხარდაჭერის მიზნით, სახელმწიფო ბიუჯეტიდან გამოიყოფა დაფინანსება სატელევიზიო რეკლამის განთავსების ხარჯების დასაფარად.

ამ პუნქტით გათვალისწინებულ თანხებს მიიღებენ მხოლოდ ის პოლიტიკური გაერთიანებები, რომლებიც დაფინანსებას იღებენ უკანასკნელი საერთო არჩევნების შედეგების მიხედვით.
ამ თანხების რაოდენობის გაანგარიშების მიზნით, შესაბამისი საარჩევნო სუბიექტების მიერ მიღებული ხმების რაოდენობა, მრავლდება სამზე და იყოფა საარჩევნო სუბიექტებში შემავალი პოლიტიკური გაერთიანებების რაოდენობაზე. ამასთან, ერთი საარჩევნო სუბიექტისთვის (საარჩევნო სუბიექტში შემავალი პოლიტიკური გაერთიანებებისათვის ჯამურად) განკუთვნილი თანხის ოდენობა არ უნდა აღემატებოდეს 600 000 ლარს.

"მოქალაქეთა პოლიტიკური გაერთიანებების შესახებ,, კანონში ცვლილებებით, პოლიტიკურ პარტიებს ამომრჩევლისათვის, წელიწადის განმავლობაში, მხოლოდ 5 000 ლარის საერთო ღირებულების საჩუქრების დარიგების უფლება აქვთ, სადღესასწაულო ღონისძიებების ფარგლებში.

ცვლილებების პროექტით, რომელიმე პოლიტიკური სუბიექტისთვის არჩევნებში ხმის მიცემის ან ხმის მიცემისგან თავის შეკავების მიზნით, პირდაპირ ან არაპირდაპირ ფულის, ფასიანი ქაღალდის, სხვა ქონების, ქონებრივი უფლების, მოსმახურების ან სხვა რაიმე უპირატესობის შეთავაზება, დაპირება, გადაცემა ან გაწევა 100 ლარამდე, გამოიწვევს ფიზიკური პირის დაჯარიმებას 200 ლარის ოდენობით, ხოლო იურიდიული პირების დაჯარიმებას 500 ლარით.