საქართველომ დაასრულა ამერიკის შეერთებულ შტატებში ქართული ღვინის ადგილწარმოშობის დასახელებების რეგისტრაციის პირველი ეტაპი. „საქპატემტის“ ინფორმაციით, აშშ-ს საპატენტო და სასაქონლო ნიშნების უწყებამ საქართველოს სახელზე უკვე გასცა დამცავი დოკუმენტები 12 ქართული ღვინის დასახელებაზე. ესენია: „ხვანჭკარა“, „ქინძმარაული“, „წინანდალი“, „ახაშენი“, „ყვარელი“, „მანავი“, „თელიანი“, „გურჯაანი“, „კახური“, „მუკუზანი“, „ტვიში“, „ვაზისუბანი“. უახლოეს თვეებში დასრულდება ასევე დანარჩენი 6 დასახელების რეგისტრაციის პროცესი. რეგისტრაციით საქართველოს სახელმწიფოს წარმოეშობა განსაკუთრებული უფლება განსაზღვროს აშშ-ს ტერიტორიაზე ქართული ღვინის ადგილწარმოშობის დასახელების გამოყენების უფლების მქონე პირები და აკრძალოს დასახელებების უკანონო გამოყენების ფაქტები. ამ საკითხებთან დაკავშირებით,აშშ-ში ვიზიტად ყოფნის პერიოდში, საქპატენტის დელეგაციამ, თავმჯდომარის ირაკლი ღვალაძის ხელმძღვანელობით, შეხვედრა გაიმართა ასევე აშშ-ს ალკოჰოლისა და თამბაქოს გადასახადისა და ვაჭრობის ბიუროში (TTB).
მასალის გამოყენების პირობები