გამოქვეყნებული ციფრები არასანდოდ მომეჩვენა, _განაცხადა "ქართული ოცნების" პრესსპიკერმა ,,ჯი-ეიჩ-ენთან", რომელიც NDI-ს კვლევის შედეგებს არ ენდობა
"NDI-ს, რომ გამოეცხადებინა, ,,ქართულ ოცნებას" მოსახლეობის 100% უჭერს მხარს, მათ მონაცემებს, მაშინაც არ ვენდობოდი. გამოქვეყნებული ციფრები არასანდოდ მომეჩვენა და ეს წარსულშიც თურმე ასე არაერთხელ ყოფილა. წარსულში მე კვლევების დიდი შემფასებელი არ გახლდით, რადგან ეს საკითხი არ მაინტერესებდა, მაგრამ ამბობენ, რომ NDI-ს მონაცემები არ არის სანდო", _ განაცხადა "ჯი-ეიჩ-ენთან" მაია ფანჯიკიძემ.
შეგახსენებთ, NDI-ს პარტიული კვლევის შედეგები, რომელიც პოლიტიკურმა პარტიის წარმომადგენლებმა გაავრცელეს, ,,ნაციონალურ მოძრაობას" გამოკითხულთა 47% უჭერს მხარს. მეორე ადგილზეა ,,ქართული ოცნება" 10%, მესამე ადგილზე კი ,,ქრისტიან-დემოკრატიული მოძრაობა" 3%.
