საპარლამენტო ფრაქცია „ერთობა სამართლიანობისთვის" საქართველოს სისხლის სამართლის და სისხლის სამართლის საპროცესო კოდექსებში ცვლილებების შეტანას მოითხოვს.
ცვლილებებთან დაკავშირებით კანონპროექტს, ფრაქციის წევრები დღეს "ადვოკატთა ასოციაციიის სისიხლის სამართლის კომიტეტის" წევრებთან განიხილავენ.
ფრაქციის თავმჯდომარე დიმიტრი ლორთქიფანიძე მიიჩნევს, რომ 14-დან 16 წლამდე მოზარდებთან დაკავშირებით, საპროცესო გარიგებები უნდა აიკრძალოს და შეზღუდვები დწესდეს 16-დან 18 წლამდე ასაკის პირებთან დაკავშირებით.
დეპუტატი ასევე მოითხოვს სასჯელთა შეკრებითობის პრინციპის შეცვლას, რადგან მისი თქმით, ეს იწვევს უსამართლობის განცდას და საქართველოში პატიმრების რიცხვის ზარდას.
კანონპროექტი, ასევე ითვალისწინებს სასამართლო პროცესების განსაჯაროებას. ლორთქიფანიძე მოითხოვს, მედიასაშუალებებს მიეცეთ სასამართლო პროცესების გაშუქების შესაძლებლობა, რათა საზოგადოების ინფორმირებულობა იყოს უზრუნველყოფილი.
დღეს პარლამენტში დაგეგმილ შეხვედრას ექსპერტებიც დაესწრებიან.