,,ქართული დასის,, ლიდერმა, დეპუტატმა ჯონდი ბაღათურიამ პრეზიდენტის დედის - გიული ალასანიას ,,მონოპოლისტური საქმიანობის სქემა,, წარმოადგინა.
ბაღათურიამ დღეს არასამთავრობო ორგანიზაციებთან "ანტიკორუფციული ღონისძიებების შესახებ,, ინიციატივის პრეზენტაციაზე, განაცხადა, რომ საქართველოში ორი მონოპოლისტური კლანი ჩამოყალიბდა.
მისი თქმით, ერთს თურქულ კაპიტალთან ერთად პრეზიდენტის დედა ხელმძღვანელობს, მეორეს-რუსულ კაპიტალთან ერთად ეკონომიკის ყოფილი მინისტრი კახა ბენდუქიძე.
ბაღათურიამ პრეზენტაციაზე სლაიდები და საჯარო რეესტრიდან ამონაწერი წარმოადგინა, რომლიც გიული ალასანიას მიერ სხვადასხვა დაწესებულებების ფლობას შეეხება.
,,გიული ალასანია რომელიც 2004 წლამდე რიგითი მეცნიერი იყო, სააკაშვილის გაპრეზიდენტების შემდეგ, საქართველოს უნივერსიტეტს აფუძნებს, რომლის 37,5% ფლობს გიული ალასანია, 37,5%-ს მანანა სანაძე, 12,5%-ს ედუარდ რობერტ რაუპი და 12,5%.-ს პრეზიდენტის ბიძაშვილი ნიკოლოზ ალასანია,, - აღნიშნა დეპუტატმა.
მისივე თქმით, გიული ალასნიას კავშირი აქვს უცხოურ კაპიტალთან. კერძოდ, თურქეთის მოქალაქე ფეთჰულაჰ გულენთან, რომელიც დიდი კაპიტალის მფლობელია და ქართულ განათლების სისტემაში ოპერირებს.
„ის ამჯამად ძებნილი არ რის, თუმცა, თურქეთის ხელისუფლების მიერ იგი ადრე არაერთგზის იყო დაკავებული. ფეთჰულაჰ გულენი, რომელიც თავს ისლამის მქადაგებელს უწოდებს, ქართულ განათლების სისტემაში აქტიურად მონაწილეობს და მასთან დამაკავშირებელი რგოლი არის პრეზიდენტის დედა" - განაცხადა ბაღათურიამ და დასძინა, რომ ქართველი სამართალდამცავები გულენის საქმით უნდა დაინტერესდნენ.