საქართველოს საგარეო საქმეთა სამინისტროში გაიმართა შეხვედრა საგარეო საქმეთა მინისტრ გრიგოლ ვაშაძესა და ჟენევის მოლაპარაკებებზე გაერო-ს სპეციალურ წარმომადგენელ ანტი ტურუნენს შორის.
საგარეო უწყების ინფორმაციით, შეხვედრაზე მხარეებმა განიხილეს ჟენევის მოლაპარაკებების მორიგი რაუნდისა და ინციდენტების პრევენციისა და მათზე რეაგირების მექანიზმთან დაკავშირებული საკითხები.
საუბარი შეეხო საქართველოს ოკუპირებულ რეგიონებში არსებულ მძიმე სიტუაციას. ხაზი გაესვა რუსეთის მხრიდან ძალის არგამოყენების ვალდებულების აღების აუცილებლობას.