პარლამენტში დღეიდან "მოქალაქეთა პოლიტიკური გაერთიანებების შესახებ კანონში" ცვლილებების პროექტზე იმსჯელებენ.
დეკემბერში დამტკიცებულ კანონში ცვლილებები, არასამთავრობო სექტორის მოთხოვნით შედის. კონსულტაციების გზით მიღწეული შეთანხმებების შედეგად, კანონში შეიცვლება ე.წ. დაკავშირებული პირის ცნება, ასევე, შემცირდება სანქციები პარტიებისადმი რიგ დარღვევებთან დაკავშირებით, გაიწერება კონტროლის პალატის ფუნქციები და სხვა.
კანონპროექტი საბოლოო ფორმით დღეს იურიდიულ საკითხთა საპარლამენტო კომიტეტის სხდომაზე იქნება წარდგენილი. კომიტეტის თავმჯდომარე პავლე კუბლაშვილის განცხადებით, ცვლილებების შედეგადაც კანონის სულისკვეთება იგივე დარჩება და მიმართული იქნება პოლიტიკაში ფინანსების გამჭვირვალობისკენ.
