საფრანგეთის სამხრეთში ტერორისტული საფრთხის მაქსიმალური ალისფერი დონე გამოცხადდა. შესაბამისი გადაწყვეტილება საფრანგეთის პრეზიდენტმა ნიკოლა სარკოზიმ ტულუზაში მომხდარი ტრაგედიის შემდეგ მიიღო.
ებრაულ კოლეჯთან მომხდარ თავდასხმას, რომელსაც სამი არასრულწლოვანი და ერთი მასწავლებელი ემსხვერპლა ნიკოლა სარკოზიმ ეროვნული ტრაგედია უწოდა.
პოლიციას უკვე აქვს ეჭვი, რომ ტულუზიაში მომხდარი მკვლელობა და წინა კვირას ქვეყნის ორ სხვა და სხვა ადგილას მოკლული ჯარისკაცების შემთხვევა ერთი ადამიანის ჩადენილია.
ამაზე მიუთითებს მკვლელის მიერ გამოყენებული იარაღი და სკუტერი, რომლითაც დამნაშავე გადაადგილდება.
ტულუზაში დაღუპულ ბავშვებს და მასწავლებლებს მთელი საფრანგეთი გლოვობს. ათასობით ადამიანი კი დაღუპულთათვის პატივის მისაგებას პარიზის ქუჩებშიც გამოვიდა. გამოძიება მკვლელობას რასისტულ ნიადაგზე ჩადენილ დანაშაულად მიიჩნევს. ამ ინციდენტს უკვე გამოეხმაურა აშშ-ს სახელმწიფო დეპარტამენტი და ისრაელის პრემიერი.
