ინვესტორმა სს "დიპლომისშემდგომი განათლების სახელმწიფო სამედიცინო აკადემიის კლინიკის" ერთლარიანი ნომინალური ღირებულების 1 522 091 ცალი ჩვეულებრივი აქცია ელექტრონულ აუქციონზე 421 ათას 500 ლარად შეიძინა, ობიექტის საწყისი ღირებულება კი 416 ათას 500 ლარად იყო განსაზღვრული.

აუქციონის პირობების თანახმად, ინვესტორი ვალდებულია შესაბამისი ნასყიდობის ხელშეკრულების გაფორმებიდან 18 თვეში სს "დიპლომისშემდგომი განათლების სახელმწიფო სამედიცინო აკადემიის კლინიკის" საკუთრებაში არსებული უძრავი ქონების სრულფასოვანი ფუნქციონირებისთვის, სამედიცინო დაწესებულება საჭირო ავეჯითა და კომპიუტერული აჭღურვილობით, ასევე სამედიცინო დანადგარებითა და ინვენტარით აღჭურვოს.
ინვესტორი ვალდებულია ასევე, სამედიცინო პერსონალი (ექიმები და ექთნები), სულ მცირე, ერთი თვის ვადით დასაქმოს, დასაქმების მომენტისთვის მათი პოზიციებისა და ანაზღაურების არსებული პირობების შენარჩუნებითდა წლიური საშუალო ხელფასის გათვალისწინებით.

იმავდროულად მყიდველი ვალდებულია 1-ელ ოქტომბრამდე განახორციელოს სს "დიპლომისშემდგომი განათლების სახელმწიფო სამედიცინო აკადემიის კლინიკის" სახელფასო დავალიანების მინიმუმ 1/3-ის დაფარვა, ხოლო დარჩენილი დავალიანება 2014 წლის 31 დეკემბრამდე დაფაროს.

აღსანიშნავია, რომ ობიექტის სახელფასო დავალიანება, 1-ლი მარტის მდგომარეობით 271 716 ლარს შეადგენს.