საქართველოს ბაზრიდან Air Baltic-ის გასვლის შესახებ ინფორმაცია არ დასტურდება. ლატვის ნაციონალური ავიაკომპანია Air Baltic (airBaltic) მარტის ბოლოდან თბილისი მიმართულებით ფრენების რაოდენობას სამიდან ოთხამდე გაზრდის, ამის შესახებ კომპანიის ვიცე-პრეზიდენტმა იანის ვანაქსმა განაცხადა.
მისი განმარტებით, თბილისი-რიგის მიმართულება Air Baltic-თვის პრიორიტეტულია და კომპანია მაქსიმალურად ცდილობს, მგზავრთა უკეთ მომსახურებისათვის, შემხვედრი რეისების განრიგი, კიდევ უფრო დახვეწოს.
"იმავდროულად ჩვენ ლატვიაში საქართველოს პროპაგანტას ვეწევით, როგორც ტურისტულად მიმზიდველი ქვეყნის", - განაცხადა კომპანიის ვიცე-პრეზიდენტმა.
შეგახსენებთ, რომ კომპანია "Air Baltics"-ი ბალტიისპირეთის რეგიონში ლიდერი ავიაკომპანიაა, რომელიც ფლობს 34 თვითმფრინავს, ახორციელებს ფრენებს 92 მიმართულებით. 2011 წელს კი 3 მლნ. 351 ათას 294 მგზავრს მოემსახურა.