ჯანდაცვის მინისტრობის კანდიდატი ზურაბ ჭიაბერაშვილი საკადრო პრობლემებზე თვალის დახუჭვას არაპირებს.
როგორც ჭიაბერაშვილმა საპარლამენტო უმრავლესობასტან შეხვედრის დაწყებამდე ჟურნალისტებს განუცხადა, ანდრია ურუშაძემ რეფორმა დაიწყო და მან უნდა გააგრძელოს.
მისი თქმით, ამ ეტაპზე საკადრო ცვლილებებს არ გეგმავს, თუმცა პრობლემებზე "თვალის დახუჭვას" არ აპირებს.
,,ბუნებრივია, არც ერთი მინისტრი საქმეს მარტო არ აკეთებს და პროცესში უამრავი ადამიანი მონაწილეობს. რაიმე სერიოზული ძვრების დაწყება გამართლებულად არ მიმაჩნია. თუმცა, ეს არ ნიშნავს იმას, რომ თუ ვინმე მის ფუნქციას ვერ შეასრულებს, თვალს დავხუჭავ" - განაცხადა ჭიაბერაშვილმა.
შრომის, ჯანმრთელობისა და სოციალური დაცვის მინისტრობის კანდიდატი ზურაბ ჭიაბერაშვილი საპარლამენტო უმრავლესობას ამ წუთებში ხვდება. მისთვის ნდობის გამოცხადებას პარლამენტი 20 მარტისთვის დაგეგმილ რიგგარეშე სხდომაზე აპირებს.
