იურიდიულ საკითხთა საპარლამენტო კომიტეტის თავმჯდომარე პავლე კუბლაშვილი, ქართული საარჩევნო კანონმდებლობის ვენეციის კომისიის სხდომაზე განხილვის შესახებ, ინფორმაციას არ ფლობს.
ამის შესახებ კუბლაშვილმა საკონსტიტუციო სასამართლოს მიერ გავრცელებული ინფორმაციის კომენტირებისას განაცხადა, რომლის თანახმადაც სასამართლოს თავმჯოდმარე გიორგი პაპუაშვილი დღეს ვენციის კომისიის 90-ე პლენარულ სხდომაზე დასასწრებად გაემგზავრა, სადაც სხვადასხვა ქვეყნის კანონებთან ერთად, ქართულ "პოლიტიკური გაერთიანებების შესახებ" კანონსაც განიხილავენ.
კუბლაშვილის თქმით, გიორგი პაპუაშვილი ვენეციის კომისიის წევრია და შესაბამისად, არ არის გასაკვირი თუ მის სხდომას ესწრება. თუმცა, მისივე თქმით, ორივე კანონზე ვენეციის კომისიას დასკვნა უკვე მომზადებული აქვს და უცნობია, თუ რაზე უნდა იმსჯელონ.
