საპარლამენტო უმრავლესობის ერთ-ერთი ლიდერის ნუგზარ წიკლაურისშეფასებით, ,,ქართული ოცნების,, განაცხადება შეიარაღებულ ჯგუფებთან დაკავშირებით შემაშფოთებელია და სამართალდამცავების მხრიდან დაკვირვების საგანი უნდა გახდეს. ამის შესახებ წიკლაურმა ირაკლი ალასანიას მიერ გუშინ დიპლომატებტან შეხვედრაზე გაკეთებული განცხადების კომანტირებისას განაცხადა, რომლის თანახმადაც, დასავლეთ საქართველოში ყალიბდება გასამხედროებული ჯგუფები.
წიკლაური მიიჩნევს, რომ ეს, შესაძლოა, ყოფილიყო წამოცდენა ალასანიას მხრიდან, რაც აღმაშფოთებელია.
,,როცა ალასანია ლაპარაკობს სამოქალაქო ომზე, არის შემაშფოთებელი და საყურადღებო, რადგან თუ მოიაზრებს ერთ მხარეს ხელისუფლებას, უნდა არსებობდეს მეორე მხარეც, რომელსაც ასევე აქვს იარაღი. შესაბამისად ეს შეიძლება წამოცდენაა. თუ ,,ქართუილ ოცნებას,, აქვს შეიარაღება, სამართალდამცავი ორგამნოებისთვის კარგი დაკვირვების მასალაა,,- აღნიშნა წიკლაურმა.
მისივე თქმით, რეზერვისტების მომზადება საქართველოში სრულიად გამჭვირვალე პროექტია და ხორციელდება არა მხოლოდ სამეგრელოში, არამედ, ქართლში, გორში და შესაძლოა კახეთშიც.
,,ისეთ ვითარებასი, როდესაც საქართველოს ტერიტორიების ნაწილი არის ოკუპირებული, მოსახლეობაში სამხედრო უნარ-ჩვევები უნდა იყოს ამაღლებული. ეს პროექტი თავდაცვის სამინისტროს მიერ ნებაყოფილებით ტარდება. ისინი გადიან ერთკვირიან სწავლებას, ეუფლებიან თავდაცვის სხვადასხვა საშუალებებს და შემდეგ ბრუნდებიან სახლში ისე რომ თან არც იარაღი აქვთ და არც ფორმა,, - დასძინა წიკლაურმა.
კოალიცია "ქართული ოცნების" ერთ-ერთმა ლიდერმა ირაკლი ალასანიამ გუშინ დიპლომატიურ კორპუსთან შეხვედრაზე აღნიშნა, რომ დასავლეთ საქართველოში ყალიბდება გასამხედროებული ჯგუფები.
,,ვინ აიარაღებს მათ, რატომ აქვთ იარაღი მუდამ თან და რატომ ელოდებიან რაღაც მოვლენას, როდესაც ეს მათ დასჭირდებათ. ეს ზუსტად მიანიშნებს იმაზე, რომ სააკაშვილი არ აპირებს ჩაატაროს სამართლიანი და თავისუფალი არჩევნები და ნიადაგს ამზადებს იმისთვის, რომ პოლიტიკური ოპიზიცია გაანადგუროს, რადგან, "ჩვენ ვართ სახელმწიფოს მტრები", "ჩვენ ვიმართებით კრემლიდან".
მისი ეს სიტყვები პარლამენტში და სამი დღის წინ კახეთში მიანიშნებს, რომ ის ემზადება სამოქალაქო ომისა და კონფრონტაციისთვის,, - აღნიშნა ალასანიამ.
