contact.az-ის ინფორმაციით, საქართველოს პრეზიდენტის საჩივრის გამო აზერბაიჯანელმა სამართალდამცავებმა "ტეხნობანკის" სამეთვალყურეო საბჭოს თავმჯდომარე დააკავეს.
გამოცემის ინფორმაციით, 7 მარტს აზერბაიჯანის ეროვნული უშიშროების სამინისტროს თანამშრომლებმა "ტეხნობანკის" სამეთვალყურეო საბჭოს თავმჯდომარე ეკივარ ალიევი დააკავეს. 10 მარტს მას საბაილის სასამართლომ თაღლითობის ბრალდებით 3 თვით პატიმრობა მიუსაჯა.
contact.az-ი წერს, რომ არაოფიციალური ინფორმაციით, ეტიბარ ალიევის დაპატიმრების მიზეზი საქართველოს პრეზიდენტ მიხეილ სააკაშვილის საჩივარი გახდა. აზერბაიჯანში სააკაშვილის ვიზიტისას საქართველოს პრეზიდენტმა თავის აზერბაიჯანელ კოლეგას, ილჰამ ალიევს, განუცხადა, რომ "ტექხნობანკმა" ერთ-ერთი ქართველი ბიზნესმენის სახსრები მიითვისა და ახლა მის დაბრუნებაზე უარს აცხადებს. თავად ამ ბიზნესმენის მიერ აზერბაიჯანის სამართალდამცავ ორგანოებში მიმართვამ შედეგი ვერ გამოიღო.
სააკაშვილის საჩივრის შემდეგ ჩატარდა შესაბამისი მოკვლევა და მიღებულ იქნა შესაბამისი ზომები. ბანკში კომენტარს არ აკეთებენ.