საქართველოს პრეზიდენტმა ჰოსპიტალური სექტორის განვითარების პროგრამის ფარგლებში კიდევ ერთი საავადმყოფო, ამჟამად, წნორში დაათვალიერა და ადგილობრივ მოსახლეობასაც მიმართა.
მიხეილ სააკაშვილმა წნორის საავადმყოფოს ექიმებს შრომის, ჯანმრთელობისა და სოციალური დაცვის ახალი მინისტრი ზურაბ ჭიაბერაშვილი წარუდგინა, რომელმაც პრიორიტეტად სამედიცინო მომსახურეობის ხელმისაწვდომობა დაისახა. როგორც მიხეილ სააკაშვილმა განაცხადა, ყოფილი მინისტრი ანდრია ურუშაძე თბილისის მერიაში განაგრძობს მუშაობას.