"ქართული დასის" ლიდერი ჯონდი ბაღათურია, კონტროლის პალატის ფინანსური მონიტორინგის სამსახურის უფროსის ნათია მოგელაძის თანამდებობიდან გათავისუფლებას მოითხოვს.
როგორც დღეს გამართულ საგანგებო ბრიფინგზე ბაღათურიამ განაცხადა, კონტროლის პალატამ, პოლიტიკური ოპონენტების მიმართ, უკანონო მოქმედებები და რეპრესიები დაიწყო.
დეპუტატმა "ქართული ოცნების" და "სახალხო კრების" წარმომადგენლებს, რომელთა მიმართაც მისი თქმით, პოლიტიკურ დევნას აქვს ადგილი, გამძლეობისკენ მოუწოდა და საკუთარი პარტიის იურისტების დახმარება შესთავაზა.
ბაღათურიამ კონტროლის პალატის მიერ რეგიონებში მოსახლეობის მასიური დაკითხვის პროცესი, 1937 წლის მოვლენებსა და ფაშისტური გერმანიის ქმედებეს შეადარა და დასძინა, რომ კონტროლის პალატა პოლიტიკური დევნის ინსტრუმენტი გახდა.
დეპუტატმა კონტროლის პალატის ხელმძღვანელს ლევან ბეჟაშვილს მოუწოდა, თანამდებობიდან გაათავისუფლოს ფინანსური მონიტორინგის სამსახურის უფროსის ნათია მოგელაძე.
