ხვალ, 15 მარტს, 18:00 საათზე, გაიმართება "თავისუფლების დღიურების" მორიგი, მეექვსე წიგნისა და მისი ავტორების მონაწილეობით გადაღებული დოკუმენტური ფილმის პრეზენტაცია.
"თავისუფლების დღიურები" რადიო "თავისუფლების" პროექტია. მის ფარგლებში სხვადასხვა პროფესიისა და ასაკის, განსხვავებული პოლიტიკური შეხედულებების ცნობილი თუ ნაკლებად ცნობილი ადამიანები ერთი კვირის განმავლობაში აწარმოებენ ჩანაწერებს, რომლებიც ყოველი წლის დასაწყისში წიგნად იკინძება და ერთგვარად აჯამებს განვლილ 365 დღეს.
"თავისუფლების დღიურები 2011"-ს, ისევე, როგორც მის ხუთივე წინამორბედს, 52 ავტორი ჰყავს. პრეზენტაცია გაიმართება "შტელცეს სახლში" (ერეკლე მეორის ქუჩა 8/10).
