„ქრისტიან-დემოკრატების" ლიდერები გიორგი თარგამაძე, ინგა გრიგოლია, ნიკა ლალიაშვილი და გიორგი რუხაძე ევროპარლამენტში შეხვედრებს აგრძელებენ. შეხვედრა უკვე გაიმართა კონსერვატორებისა და რეფორმისტების ფრაქციის თამჯდომარესთან მარტინ კალანანთან, ასევე საგარეო საქმეთა კომიტეტის თავმჯდომარე ჩარლზ ტენოკთან და ფრაქციის სხვა ლიდერებთან. მოგვიანებით ფრაქციის სხდომაზე სიტყვით გამოვიდა გიორგი თარგამაძე, რომელმაც საქართველოში მიმდინარე მოვლენებზე, საქართველო-ევროკავშირის ურთიერთობებზე, რუსეთიდან მომავალ საფრთხეებზე, ნატოს სამიტზე, მომავალი საპარლამენტო არჩევნების მნიშვნელობასა და საქართელოს ევროპელი პარტნიორების მონიტორინგის პროცესში აქტიურად ჩართვის აუცილებლობაზე ისაუბრა.
"საქართველომ ევროპულ რუკაზე საკუთარი ადგილი უკვე დაიმკვიდრა, თუმცა ეს საკმარისი არ არის. საქართველოს მომავალი ევროპის დემოკრატიული ოჯახის წევრობაა, რაც საქართელოს დემოკრატიული განვითარებისა და ეკონომიკური კეთილდღეობის გარეშე წარმოუდგენელია. ძალიან ბევრი რამ 2012 წლის საპარლამენტო არჩევნებზე და მის სამართლიანად ჩატარებაზე იქნება დემოკიდებული", - განაცხადა თარგამაძემ.
„ქრისტიან-დემოკრატიული მოძრაობის" ლიდერები ევროპარლამენტში კონსერვატორებისა და რეფომისტების ფრაქციის მიწევევით იმყოფებიან. დაგეგმილია შეხვედრები დიდი ბრიტანეთის ევროპის საქმეთა მინისტრთან დევიდ ლიდინგტონთან, ასევე ევროპარლამენტის მემარჯვენე ფრაქციების ლიდერებთანაც.
„ქრისტიან-დემოკრატების" ვიზიტი სტრასბურგში 15 მარტს დასრულდება.
