"ეს კონფლიქტის გაღვივების მცდელობაა, თან საქართველოს ხელისუფლება იმ ძალების ინსტუმენტი გახდა, რომლებიც მართლმადიდებლურ ეკლესიას როდი ემხრობიან", _ განაცხადა იერუსალიმის პატრიარქმა თეოფილე III-მ პორტალ "იზრუს"-თვის მიცემულ ინტერვიუში საქართველოს ოფიციალური პირების მიერ გაკეთებული განცხადების კომენტირებისას ჯვრის მონასტის თაობაზე.
"საქართველოსათვის იერუსალიმის უძველესი ჯვრის მონასტრის "დაბრუნების" საკითხის წამოწევით ამ რესპუბლიკის ხელისუფლება მესამე ძალების ხელში ინსტრუმენტად იქცა, რომლებიც ისწრაფვიან კონფლიქტის პროვოცირებას მას, ისრაელსა და საბერძნეთის მართლმადიდებლურ ეკლესიას შორის", - ბრძანებს პატრიარქი.
მისივე თქმით, მან საქართველოში გაკეთებული ამ განცხადების შესახებ მაშინვე შეიტყო, როდესაც საქართველოს პრეზიდენტმა გორში ეს განცხადება გააკეთა. პატრიარქი ასევე ბრძანებს, რომ ისინი საქართველოს ეკლესიასთან მჭიდრო კავშირში იმყოფებიან. "ეს ჩვენი ძმებია, რომლებთანაც ჩვენ საუკუნეები გვაკავშირებს. თებერვალში ჩვენთან ჩვენი მოწვევით სრულიად საქართველოს პატრიარქი იმყოფებოდა. ასე, რომ ჩვენ ყურადღება გავამახვილეთ ამ განცხადებებზე.
აი მე ხელთ მაქვს საქაღალდე, რომელშიც საქართველოს მოღვაწეების მიერ გაკეთებული განცხადებებია ნათარგმნი და მე მცირედი წარმოდგენაც კი არ მაქვს იმაზე თუ რაზე საუბრობენ სააკაშვილი, კალანდაძე და რურუა", _ ბრძანებს იერუსალიმის პატრიარქი.
მისივე თქმით, გარდა იმისა, რომ თავად საპატრიარქოში არაფერი იციან იმის შესახებ თუ რაზე საუბრობენ საქართველოს პოლიტიკური მოღვაწეები მათ ასევე მიმართეს ისრაელის საგარეო საქმეთა სამინისტროს.
"ჩვენ კი მივმართეთ, თუმცა პასუხი წინასწარ ვიცოდით. ჩვენ მშვენიერი ურთიერთობა გვაქვს ისრაელის ხელისუფლებასთან. ისინი ჩვენზე არასოდეს ახდენენ ზეწოლას, მით უფრო მიწის საკუთრების საკითხებში. საპატრიარქოს ძალიან ბევრი მიწა იერუსალიმში ისრაელის ხელისუფლებას მრავალწილიანი იჯარით აქვს აღებული, მათ შორის არის ის ტერიტორია სადაც ქნესეთია განლაგებული. ჩვენ არაოსდეს გვქონია კონფლიქტი ამ საკითხთან დაკავშირებით და რა თქმა უნდა, ჩვენ არც არასოდეს გვიცდია ვინმესთან ჩვენი მიწების გასხვისებაზე მსჯელობა. ჩვენ ეს ისრაელის საგარეო საქმეთა სამინისტროში დაგვიდასტურეს. იქაც გაკვირვებულნი იყვნენ ქართული მხარის მიერ გაკეთებული განცხადებებით", _ ბრძანებს თეოფილე III.
ამასთან, იერუსალიმის პატრიაქტი აცხადებს, რომ მას ასევე ჰქონდა შეხვედრები საქართველოს საგარეო საქმეთა მინისტრთან გრიგოლ ვაშაძესთან და და ამ შეხვედრებზე ერთი სიტყვაც კი არ იყო ნახსენები ჯვრის მონასტრის თაობაზე. მისივე თქმით, ამ თემაზე მას არც საქართველოს პატრიარქთან უსაუბრია.
"აღნიშნავ ასევე, რომ საქართველოს ელჩი ასევე თან ახლდა ბატონ ვაშაძეს მოლაპარაკებებზე, შემდეგ კი პირადად კიდევ ერთხელ გადაგვიხადა მადლობა საქართველოს საგარეო საქმეთა მინისტრისათვის გაწეულ მასპინძლობაზე და როგორც ხვდებით, არც ერთი სიტყვა, ჯვრის მონასტრისა და მიმდინარე "მოლაპარაკებების" თაობაზე ნახსენებიც კი არ იყო", _ ბრძანებს პატრიარქი და თბილისის "უცნაური" საქციელის ახსნას ცდილობს.
აღსანიშნავია, რომ პორტალის ინფორმაციით, ელჩი კეკელია ამ სიტუაციის კომენტირებაზე უარს აცხადებს.
"ყველა ხალხს თავის დასაბამისა და თავისი ფესვებისკენ სწარფვა ახასიათებს. მანამ ვიდრე საქართველოს პრეზიდენტი ამ განცხადებას გააკეთებდა, მცირე ხნით ადრე, ჩვენ შუამავლების მეშვეობით მოგვმართეს ქართველმა ბიზნესმენებმა და ამ მონასტრის ყიდვა შემოგვთავაზეს - მაგრამ ეს შეუძლებელია.
სწორად გამიგეთ - რეგიონსა და იერუსალიმში საქართველოს ეკლესიის მიერ შესრულებული როლი ძალიან დიდია. ქართველების მიერ დაარსებული ჯვრის მონასტერი ერთ ერთი საგანმანათლებლო ცენტრი იყო. შეუძლებელია უდიდესი პოეტის შოთა რუსთაველის სახელთან დაკავშირებული ადგილი ძალიან ძვირფასი არ იყოს ქართველი ხალხისათვის, თუმცა საბერძნეთის საპატრიარქომ ეს მონასტერი 300 წელზე მეტი ხნის წინ შეიძინა, მაშინ როდესავ იგი სამწუხაროდ დანგრევის პირას იყო. ჩვენ შევეცადეთ ამ ადგილის სულიერება შეგვენარჩუნებინა და იგი განგვევითარებინა.
იქ არის უძველესი ბიბლიოთეკა რომელიც უძველესი წიგნებისაგან და მანუსკრიპტებისგან შედგება, ფუნქციონირებს სემინარია. რა თქმა უნდა საქართველოს ხელისუფლებას ექნება სურვილი დაიბრუნოს მონასტერი, როგორც სიმბოლო მათი ყოფნისა წმინდა მიწაზე, რომელსაც დასაბამი ჯერ კიდევ 16 საუკუნის წინ ჩაეყარა", _ ბრძანებს პატრიარქი და აღნიშნავს, რომ საქართველოს ხელისუფლება გაუცნობიერებლად გახდა ინსტრუმენტი მესამე ძალის ხელში.
"მე პირადად დიდი დილემის წინაშე აღმოვჩნდი, ვინაიდან არ მაქვს უფლება ამ საკითხთან დაკავშირებით ახსნა-განმარტებები ვაკეთო, იმიტომ რომ უნებლიეთ ხელი არ შევუწყო მათ ვისაც კონფლიქტის გაღვივება სურს.
კონფლიქტისა საპატრიარქოს, საქართველოსა და ისრაელის ხელისუფლებას შორის. ეს პირველი მცდელობა როდია ამ ძალებისა კონფლიქტი გამოიწვიონ. ეს ხშირად ხდება ხოლმე პატარა-პატარა მიზეზების გამოყენებით, მაგრამ ეს ძალები საქართველოსათვის მონასტრის დაბრუნებაში როდი არიან დაინტერესებულნი და მათ არც საქართველოსათვის დახმარების აღმოჩენა სურთ. მათ ორივე მხარეს არსულ მტკივნეულ წერტილების გამოყენებით წმინდა მიწაზე არსებული მშვიდობის დარღვევა სურთ.
ხაზგასმით ავღნიშნავ -მაქსიმუმს გავაკეთებ იმისათვის, რომ არავითარი სკანდალი არ განვითარდეს და ჩვენს ძმულ საქართველოს ეკლესიასთან არსებულ მეგობრობას ჩრდილი არ მიადგეს. სამწუხაროდ მეტს ვერაფერს გეტყვით", _ ბრძანებს პატრიარქი და იმასსაც აღნიშნავს, რომ მან სრულიად საქართველოს კათოლიკოს პატრიარქისაგან მოწვევა მიიღო და იმედს იტოვებს საქართველოს მალე მონახულებს.
"თუმცა ჯერ ჯერობით ზუსტად ვერ ვიტყვი თუ როდის მოხდება ეს", _ ბრძანებს პატრიარქი.