დღეს, 7 მარტს, საერთაშორისო არასამთავრობო ორგანიზაციებს პარლამენტში "მოქალაქეთა პოლიტიკური გაერთიანებების შესახებ" კანონს კიდევ ერთხელ განუმარტავენ.
საერთაშორისო ორგანიზაციების წამომადგენლებს საგარეო ურთირთობათა კომიტეტის თავმჯდომარე აკაკი მინაშვილი და იურიდიულ საკითხთა კომიტეტის თავმჯდომარის პირველი მოადგილე ჩიორა თაქთაქიშვილი შეხვდებიან.
როგორც ცნობილია, "მოქალაქეთა პოლიტიკურ გაეთიანებების შესახებ" კანონში საერთაშორისო არასამთავრობო ორგანიზაციებთან დაკავშირებით ცალკე ჩანაწერის გაკეთება იგეგმება. ამის შესახებ პარლამენტის თავმჯდომარემ დავით ბაქრაძემ განაცხადა და აღნიშნა, რომ აუცილებელია საერთაშორისო ორგანიზაცებს კანონთან დაკავშირებით სწორი ინფორმაცია ჰქონდეთ და კითხვის ნიშნები მოიხსნას.
შეხვედრა პარლამენტის საკონფერენციო დარბაზში 7 მარტს, 13:00 საათზე გაიმართება.
