სომხეთის ნაციონალური ავიაკომპანია „არმავიამ" უსასწრაფოესი გაფიცვა გამოაცხადა, წერს АРКА.
კომპანიაში განმარტავენ, რომ „არმავია" გაფიცვით პროტესტს უცხადებს ერევნის საერთაშორისო აეროპორტ „ზვარტნოცში" არსებულ მაღალ ტარიფებს.
„ამ დროისათვის რეისები, ტარიფების გადახედვამდე, გადადებულია"- განაცხადა „არმავიას" პერსამსახურის წარმომადგენელმა ნანა ავეტისობამ.
იმავდროულად, სომხეთის საერთაშორისო აეროპორტების" პრესსამსახურში, რომელიც „ზვარტნოცის" აეროპორტს მართავს, განაცხადეს, რომ „არმავია" სპეციალური ტარიფებით სარგებლობს. მათივე ინფორმაციით, „არმავიას" გაფიცვა კომპანიის მხრიდან დაუკვირვებლობისა და ტყუილის შედეგია.
