თბილისში სამუზეუმო ქუჩები იქნება - ეს დედაქალაქში ტურიზმის განვითარების ახალი კონცეფციაა. სექტემბერში საქართველოს ეროვნული მუზეუმი საერთაშორისო კონგრესს უმასპინძლებს და ამ კონგრესზე საუბრის მთავარი თემა სწორედ სამუზეუმო ქუჩების არსებობა და მათი მნიშვნელობა იქნება.
თბილისში სამუზეუმო გაერთიანებების წარმომადგენლები ამერიკის, ევროპისა და აზიის წამყვანი მუზეუმების ხელმძღვანელები და ცნობილი არქიტექტორები შეიკრიბებიან.
კონფერენცია ეროვნული მუზეუმის, თბილისის მერიისა და გერმანული ორგანიზაციების თანამშრომლობით გაიმართება. ორგანიზატორები ამ თემაზე დიალოგისათვის საზოგადოებას და ბიზნესმენებს იწვევენ იმისათვის, რომ საერთო ინტერესების გათვალისწინებით სამუზეუმო და სახელოვნებო ქუჩის ერთიანი კონცეფცია ჩამოყალიბდეს.
"სამუზეუმო ქუჩა არ მოიცავს თავას თავში მექანიკურად მხოლოდ მუზეუმების გაერთიანებას. ის ერთგვარი მაგნიტი უნდა გახდეს საზოგადოებისათვის და ერთგვარი თავშეყრის ადგილი უნდა გახდეს. ამიტომ ძალიან დიდი მნიშვნელობა აქვს ამ პროცეში საერთაშორისო გამოცდილების გაზიარებას", _ აცხადებს თბილისის მერი გიგი უგულავა.
