6 მარტს, 12:00 საათზე თბილისში, ,,ბავშვთა და ახალგაზრდობის ეროვნული ცენტრში" ორგანიზაციის წარმომადგენლები პატრიოტთა ბანაკის მონაწილეებისათვის გამოაცხადებენ კონკურსს - ,,ჩემი თვალით დანახული პატრიოტთა ბანაკი".
კონკურსის მიზანია ახალგაზრდებში საერთაშორისო ბანაკ ,,პატრიოტის" პოპულარიზაცია. კონკურსის ამოცანებია: შემოქმედებითი ნიჭით დაჯილდოვებული ახალგაზრდების გამოვლენა და ახალგაზრდების აქტიური ჩართვა სამოქალაქო აქტივობებში.
კონკურსში მონაწილეობის მიღება შეუძლიათ 2005-2011 წლებში პროგრამა ,,პატრიოტში" ჩართულ ყველა მონაწილესა და ლიდერს.
კონკურსში მონაწილეობისათვის მსუველები წარმოადგენენ ნამუშევრებს, რომლებიც თემატურად დაკავშირებული იქნება პატრიოტთა ბანაკთან. ნამუშევარი შესაძლებელია იყოს ფოტოსურათი, ჩანახატი, ლექსი, ესე, ან მუსიკალური ნაწარმოები.
