საპარლამენტო უმრველესობის ლიდერიმა პეტრე ცისკარიშვილის განცხადებით, პეტრას ციხე საქართველოში დარჩება და ის ქართულ ეკონომიკასა და ტურიზმს წაადგება.
როგორც ცისკარიშვილმა დღეს, პარლამენტის პლენარულ სხდომაზე აღნიშნა, პეტრას ციხესთან დაკავშირებით გამართულ დებატები მას 5-6 წლის წინ წინანდალში ალექსანდრე ჭავჭავაძის სახლმუზეუმთან დაკავშირებით გამართულ დებატებს ახსენებს.
„ზუსტად ასე გამოდიოდა მაშინაც ოპოზიცია და გვაკრიტიკებდა, სინამდვილეში კი ალექსანდრე ჭავჭავაძის სახლ-მუზემუში მაშინ არც ეზო, არც სახლ-მუზეუმი და არც სასტუმრო არ იყო მოვლილი. აბა დღეს ჩადით და ნახეთ როგორ არის ყველაფერი გაკეთებული. ახლა აღარავინ არ იღებთ ხმას და აღარ გვაკრიტიკებთ ამაზე", - მიმართა ოპოზიციას ცისკარიშვილმა.
მისივე თქმით, ზუსტად ანალოგიურად იქნება პეტრას ციხესთან დაკავშირებითაც, რომლის რეაბილიტაცია ისევ ქართულ ეკონომიკსა და ტურიზმის განვითარებას მოხმარდება.