ე.წ. სამხრეთ ოსეთის "ცენტრალურმა საარჩევნო კომისიამ" ე.წ. სამხრეთ ოსეთის ელჩი რუსეთის ფედერაციაში დიმიტრი მედოევი "საპრეზიდენტო კანდიდატად" დაარეგისტრირა.
მედოევი ე.წ. საარჩევნო ბიულეტენში მესამე ნომრად ჩაიწერება.
აღსანიშნავია, რომ მას შემდეგ, რაც გასული წლის 13 ნოემბერს ე.წ. საპრეზიდენტო არჩევნებში კრემლის კანდიდატი ანატოლი ბიბილოვი ოპოზიციის ლიდერ ალა ჯიოევასთან დამარცხდა, მოსკოვმა არჩევანი დიმიტრი მედოევზე გააკეთა.
ხელახალი ე.წ. საპრეზიდენტო არჩევნები მიმდინარე წლის 25 მარტს უნდა გაიმართოს. დიმიტრი მედოევთან ერთად, ე.წ. სამხრეთ ოსეთის ე.წ. პრეზიდენტის პოსტისთვის ე.წ. დაზვერვის სამსახურის ყოფილი ხელმძღვანელი ლეონიდ თიბილოვი და ე.წ. ადამიანის უფლებათა დამცველი დავით სანაკოევი იბრძოლებენ.
