ჩინეთში ლევან ვარშალომიძემ აჭარაში ჩაის კულტურის განვითარებაზე ისაუბრა. აჭარის მთავრობის ინფორმაციით, მთავრობის თავმჯდომარე ჩინეთის სახალხო რესპუბლიკის პროვინცია ფუძიენის ხელმძღვანელობასთან შეხვედრებს განაგრძობს. ვარშალომიძემ ჩინელ კოლეგებს აჭარის საინვესტიციო გარემო, ეკონომიკური და ტურისტული პოტენციალი გააცნო.
შეხვედრებზე საუბარი შეეხო აჭარის აგროსექტორში, განსაკუთრებით ჩაის მრეწველობის განვითარებაში, ჩინელი სპეციალისტების მხარდაჭერას, ასევე, თანამშრომლობას კულტურისა და ტურიზმის სფეროებში.
