დროა რუსეთი შეეგუოს, რომ საქართველო მისი გავლენის სფერო აღარ არის, - ამის შესახებ საპარლამენტო ფრაქცია „ქრისტიან-დემოკრატების" თავმჯდომარემ გიორგი ახვლედიანმა რუსეთის ფედერაციის პრემიერ-მინისტრის განცხადებების შეფასებისას აღნიშნა, სადაც ვლადიმერ პუტინი აშშ-ს მიერ საქართველოს გადაიარაღებას შეცდომას უწოდებს.
„ის განცხადება, სადაც აშშ-ს პრეზიდენტი ბარაკ ობამა ამბობს, რომ დროა უკვე ცივილიზებულმა სამყარომ საქართველოს თავდაცვის უნარიანობის გაძლიერებაზე იზრუნოს, ეს არის ჩვენთვის ძალიან მნიშვნელოვანი და რუსეთისთვის, კერძოდ კი პუტინისთვის ძალიან შემაშფოთებლია", - მიაჩნია გიორგი ახვლედიანს.
მისი თქმით, აშშ-ს პრეზიდენტის განცხადება კიდევ ერთხელ ახდენს დემონსტრირებას იმ ახალი რეალობის, რომელიც წლების ყალიბდება მსოფლიოში და ცვლის 90-იანი წლების გადანაწილებულ სამყაროს.
„90-წლიებში მსოფლიო გადანაწილდა ისე, რომ კავკასია რუსეთის გავლენის სფეროში მოიაზრებოდა, მაგრამ ბოლო ათწლეულია ეს პროცესები იცვლება და ამაზე რუსეთს მწვავე რეაქციები აქვს", - აღნიშნა მან.
მისივე შეფასებით, თუ აშშ თვლის, რომ საქართველოს თავდაცვის უნარიანობაზე ზრუნვა მისი საქმეა, ეს ნიშნავს, რომ აშშ ხმამაღლა აცხადებს, რომ საქართველო აღარ არის რუსეთის გავლენის სფერო და ის ხდება ცივლიზებულ სამაყაროს ოჯახის წევრი ხდება.
„ეს რა თქმა უნდა რუსეთში ძლიან მწვავე რეაქციებს გამოიწვევს, თუმცა უკვე დროა ამ რეალობასთან შეგუებაც მოხდეს", - აღნიშნა დეპუტატმა და აქვე დასძინა, რომ აშშ-ს მიერ თავდაცვის უნარიანობის გაზრდის შემდეგ აღარასდროს განმეორედება ისეთი აბსურდული რეალობა, როდესაც რუსული ავაიციის წინაშე 2008 წელს საქართველო დაუცველი იყო.
