როგორც დღეს ბიუროს სხდომაზე ფრაქციის თავმჯდომარე დიმიტრი ლორთქიფანიძემ განაცხადა, მას იმედი აქვს, რომ ბიურო ადეკვატურ გადაწვეტილებას მიიღებს და "ერთობა სამართლიანობისთვის" საპარლამენტო უმცირესობის დროს ნახევარი 30 წუთი იქნება გამოყოფილი.

ლორთქიფანიძემ ბიუროს სხდომაზე რეგლამენტის 194-ე მუხლი წაიკითხა, რომლის თანახმადაც, პრეზიდენტის მოხსენების შემდეგ ცხადდება ორსაათიანი შესვენება. შესვენების შემდეგ კი იწყება ფრაქციების თავმჯდომარეთა გამოსვლები, რომელთა ხანგრძლივობას ადგენს პარლამენტის ბიურო.

ლორთქიფანიძის გამოსვლას უმცირესობის წევრი, ვიცე-სპიკერი ლევან ვეფხვაძე გამოეხმაურა და აღნიშნა, რომ ბიურო მის თხოვნას ვერ გაითვალისწინებს, რადგან დამატებით დროის გამოყოფისთვის რეგლამენტში ცვლილებები უნდა განხორცილდეს.

"მომზადეთ რეგლამენტში შესატანი ცვლილება და მაშინ ამაზედაც შეიძლება ფიქრი", - მიმართა ლორთქიფანიძეს ვეფხვაძემ.

ვიცე-სპიკერის განცხადებას "ერთობა სამართლიანობის" თავმჯდომარემ ცინიკური უწოდა.

ლორთქიფანიძის თხოვნას არც უმრავლესობა დაეთანხმა. როგორც იურიდიულ საკითხთა კომიტეტის თავმჯდომარემ პავლე კუბლაშვილმა აღნიშნა, რეგლამენტში დებატებისთვის დრო დეტალურად არის გაწერილი და რაიმე სიახლე ამ კუთხით აღარ იქნება.

ბიუროს სხდომაზე გამართული დებატებზე პარლამენტის თავმჯდომარემ დეპუტატებისთვის მიკროფონის გამართვა მოითხოვა და დასძინა, რომ პლენარულ სხდომაზე კენჭისყრაზე დააყენებს საკითხს - პრეზიდენტის გამოსვლა პარლამენტში 194-ე მუხლით წარიმართოს თუ 138-ე მუხლით.

შეგახსენებთ, რომ პარლამენტის რეგლამენტის 194-ე მუხლის თანახმად, პარლამენტი, როგორც წესი, საგაზაფხულო სესიის პლენარული სხდომების პირველ დღეს, საქართველოს კონსტიტუციის შესაბამისად, ისმენს საქართველოს პრეზიდენტის ყოველწლიურ მოხსენებას ქვეყნის მდგომარეობის უმნიშვნელოვანეს საკითხებზე.

პრეზიდენტის მოხსენების შემდეგ ცხადდება ორსაათიანი შესვენება. შესვენების შემდეგ კი იწყება ფრაქციების თავმჯდომარეთა გამოსვლები, რომელთა ხანგრძლივობას ადგენს პარლამენტის ბიურო.

რაც შეეხება რეგლამენტის 138-ე მუხლს, ფრაქციას, უმრავლესობასა და უმცირესობას უფლება აქვთ, მოითხოვონ პოლიტიკური დებატების დღის დანიშვნა. პოლიტიკური დებატების დღე, როგორც წესი, პლენარული სამუშაო ციკლის განმავლობაში ინიშნება ერთხელ. გადაწყვეტილება პოლიტიკური დებატების დღის დანიშვნის შესახებ მიიღება დამსწრეთა ხმების უმრავლესობით, მაგრამ პარლამენტის სრული შემადგენლობის არა ნაკლებ ერთი მესამედისა.

პოლიტიკურ დებატებში გამოსვლებისათვის უმრავლესობასა და უმცირესობას ეძლევა თითოეულს 45 წუთი, ფრაქციასა და პარლამენტის თავმჯდომარეს (სხდომის თავმჯდომარეს) - თითოეულს 15 წუთი, პარლამენტის თავმჯდომარის მოადგილეს - 10 წუთი, პარლამენტის წევრს, რომელიც არ არის გაერთიანებული არც ერთ ფრაქციაში, - 5 წუთი. ფრაქცია, უმრავლესობა და უმცირესობა მათთვის გამოყოფილი დროის ფარგლებში განსაზღვრავენ გამომსვლელთა რაოდენობასა და მათზე დროის გადანაწილების სქემას. პოლიტიკურ დებატებში გამომსვლელთათვის გამოყოფილი დროის გაზრდა დაუშვებელია.

დღის დანიშვნის შესახებ მიიღება დამსწრეთა ხმების უმრავლესობით, მაგრამ პარლამენტის სრული შემადგენლობის არანაკლებ ერთი მესამედისა.

პოლიტიკურ დებატებში გამოსვლებისათვის უმრავლესობასა და უმცირესობას ეძლევა თითოეულს 45 წუთი, ფრაქციასა და პარლამენტის თავმჯდომარეს (სხდომის თავმჯდომარეს) - თითოეულს 15 წუთი, პარლამენტის თავმჯდომარის მოადგილეს - 10 წუთი, პარლამენტის წევრს, რომელიც არ არის გაერთიანებული არც ერთ ფრაქციაში, - 5 წუთი. ფრაქცია, უმრავლესობა და უმცირესობა მათთვის გამოყოფილი დროის ფარგლებში განსაზღვრავენ გამომსვლელთა რაოდენობასა და მათზე დროის გადანაწილების სქემას. პოლიტიკურ დებატებში გამომსვლელთათვის გამოყოფილი დროის გაზრდა დაუშვებელია.