რუსეთი ლატვიის ხელისუფლებას საერთაშორისო ვალდებულებების იგნორირებაში ადანაშულებს.
როგორც დღეს, რუსეთის ფედერაციის საგარეო საქმეთა სამინისტროს ოფიციალურმა წარმოამდგენელმა ალექსანდრ ლუკაშევიჩმა განაცხადა, ლატვიის ხელისუფლებამ საერთაშორისოდ აღებულ ვალდებულებას იგნორირება გაუკეთა, როცა რუსეთის საზოგადოებრივი პალატის წევრებს, რუსული ენის მეორე სახელმწიფო ენად აღიარების შესახებ რეფერენდუმზე დამკვირვებლის სტატუსის მინიჭებაზე უარი უთხრა, სადაც საკითხი წყდებოდა.
"დასაფიქრებელია, რომ ლატვიის ცენტრალურმა საარჩევნო კომისიამ ქვეყნის საგარეო საქმეთა სამინისტროს რეკომენდაცით რუსეთის საზოგადეობრივი პალატის დელეგაციას რეფერენდუმზე დამკვირვებლის სტატუსის მინიჭებაზე უარი უთხრა. ჩვენ მოვითხოვთ ლატვიის ხელისუფლებისგან ამის განმარტებას. მივიჩნევთ, რომ საქმე გვაქვს რიგის მხრიდან საერთაშორისო ვალდებულებების იგნორირებაზე", - განაცხადა ლუკაშევიჩმა.
რაც შეეხება თავად რეფერენდუმს, რუსეთის საგარეო უწყების ოფიციალურ წარმომადგენელს მიაჩნია, რომ პრობლემის სერიოზულობა კიდევ ერთხელ დადასტურდა, რადგან ლატვიაში ქვეყნის სახელმწიფო ენის შეცვლასთან დაკავშირებით საერთო სახლახო განხილვა გაიმართა.
"რეფერენდუმზე ლატვიის იმ მოსახლეობის მაღალი აქტივობა, რომელსაც რუსული მშობლიურ ენად მიაჩნია, არის მტკიცებულება ისმის, რომ ისინი წინააღმდეგნი არიან მონოეთნიკური საზოგადოების აშენების კურისის. ამის გათვალისწინებით, რეფერენდუმის განწყობა არ ეხმიანება ქვეყანაში არსებულ განწყობას. ეს კი დაკავშირებულია იმასთან, რომ თავის აზრის გამოხატვა არ შაუძლია 319 ათას ადამიანს, რომელსაც "უცხოელს" უწოდებენ, იმის მიუხედავად, რომ უმეტესი მათგან დაბადებულია ან მუდმივად ლატვიაში ცხოვრობს", - აცხადებს რუსი დიპლომატი.
ამასთან, ლუკაშევიჩმა იმედი გამოთქვა, რომ ლატვიის რუსულენოვანი მოსახლების ხმას, როგორც ამ სახელმწიფოს მმართველ წრეებში, ასევე საერთაშორისო ორგანიზაციებშიც გაიგებენ და უზრუნველყოფენ ეთნიკური უმცირესობების ინტერესებისა და უფლებების დაცვას.
შეგახსენებთ, რომ ლატვიაში გამართულ რეფერენდუმზე მოსახლეობის 80% -მა რუსული ენისთვის მეორე სახელმწიფო ენის სტატუსის მინიჭების წინააღმდეგ მისცა ხმა.ლატვიაში რეფერენდუმი 18 თბერვალს გაიმართა.
