თიბისი ბანკის ორგანიზებით, თიბისი გალერეაში გოგა ჩანადირის ახალი ფოტოალბომის, „ეს საოცარი საქართველო" პრეზენტაცია გაიმართა. მოეწყო წიგნში შესული ფოტოების ექსპოზიცია და შედგა მინი-ვიქტორინა თემაზე „საქართველო".
წიგნში შესულია ახალგაზრდა ფოტოგრაფის, გოგა ჩანადირის საავტორო ფოტოები, რომლებიც მან საქართველოს სხვადასხვა კუთხეში მოგზაურობისას გადაიღო. ფოტოებს თან ერთვის მოკლე, საინტერესო ინფორმაცია თითოეული ღირსშესანიშნაობის შესახებ და ასევე რუკები, რომლებიც დაუვიწყარ მეგზურობას გაუწევს მკითხველს საქართველოს სხვადასხვა მხარეში სამოგზაუროდ. წიგნი „ბაკურ სულაკაურის გამომცემლობამ" გამოსცა და ის წიგნის მაღაზიებში გაიყიდება.
