მსახიობი კახა მიქიაშვილი კომედიაში ითამაშებს. ამის შესახებ "ჯი-ეიჩ-ენს" მსახიობმა განუცხადა.
"ახალ ფილმში შემომთავაზეს როლი, თუმცა ჯერ სცენარი არ წამიკითავს. ერთადერთი, რაც ვიცი, ეს იქნება ნამდვილი კომედიური ჟანრის, რაც კახური იუმორით იქნება გაჯერებული. ეს არ ემსგავსება სხვა კახურ კომედიებს, არც "გარიგებას" და არც სხვას. ჯერჯერობით შემოქმედებით ჯგუფს ვერ ვასახელებ, თუმცა, შემიძლია გითხრათ, რომ პროდიუსერმა ფილმის დასრულება ერთ თვეში დაგეგმა", - განაცხადა მიქიაშვილმა.
ცნობილი გახდა ფილმის სხვა მონაწილე მსახიობიც. კახურ კომედიაში კახა მიქიაშვილთან ერთად მსახიობი დავით დვალიშვილიც ითამაშებს.
