თბილისის ზაქარია ფალიაშვილის სახელობის ოპერისა და ბალეტის სახელმწიფო თეატრის სიმფონიური ორკესტრი 8 თებერვალს, 19:00 საათზე, საქართველოს პარლამენტის ეროვნული ბიბლიოთეკის საგამოფენო დარბაზში სიმფონიური მუსიკის კონცერტს გამართავს. საღამო "ოპერის მეგობართა საბჭოს" მხარდაჭერით ეწყობა.
მონაწილეობენ ახალგაზრდა წარმატებული ქართველი მუსიკოსები - გიორგი შამანაური (ფლუგელჰორნი) და შოთა გოგოძე (კლარნეტი).
კონცერტს წარუძღვება ოპერის თეატრის მუსიკალური ხელმძღვანელი, იტალიელი დირიჟორი ჯანლუკა მარჩიანო.
კონცერტის პროგრამაშია ვოლფგანგ ამადეუს მოცარტის მუსიკა: კონცერტი ვალტორნისთვის (E-dur) და კონცერტი კლარნეტისთვის ორკესტრთან ერთად (A-dur).
