ეგვიპტის დედაქალაქ ქაიროში საპროტესტო აქციის მონაწილეებმა საგადასახადო სამსახურის შენობას ცეცხლი წაუკიდეს.
საპროტესტო აქცია, რომელიც მიმართულია ეგვიპტეში სამხედრო ხელისუფლების მმართველობის წინააღმდეგ, მესამე დღეა გრძელდება.
ქალაქში მიმდინარეობს შეტაკებები პოლიციასა და დემონსტრანტებს შორის. დემონსტრანტები ცდილობენ იერიში მიიტანონ შსს-ს შენობაზე, რომელიც ქალაქის ცენტრალურ ნაწილში, საგადასახადო სამსახურიდან ახლოს მდებარეობს.
საპროტესტო აქციების ახალი ტალღა მას შემდეგ დაიწყო რაც პორტ-საიდის სტადიონზე გულშემატკივრებს შორის სისხლიანი შეტაკება მოხდა, რომელსაც 74 ადამიანი ემსხვერპლა და 1000-მდე დაშავდა.
