"რომპეტროლ საქართველო" წლის საუკეთესო უცხოურ სტაბილურ კომპანიად აღიარეს. კომპანია 3 ნომინაციაში გამარჯვებულად ნავთობპროდუქტების იმპორტიორთა კავშირმა "ქორთიარდ მერიოტში" 3 თებერვალს გამართულ დაჯილდოების ცერემონიაზე დაასახელა.
16 ნომინაციას შორის რომპეტროლი ასევე დააჯილდოვეს, როგორც "წლის საუკეთესო კომპანია მნიშვნელოვანი სოციალური პროექტების განხორციელებისათვის" და "საქართველოს სპორტის განვითარებაში შეტანილი წვლილისათვის".
საქართველოში კომპანია წლების განმავლობაში ხარისხიან პროდუქტებს და მომსახურებას სთავაზობს მომხმარებლებს და ამავდროულად ბაზარზე ევროსტანდარტის საწვავის უმსხვილეს მომწოდებელს წარმოადგენს. 2011 წელს "რომპეტროლ საქართველომ" ბიუჯეტში სოლიდური თანხა 90 994 538 ლარი შეიტანა.
"გასული წელი "რომპეტროლ საქართველოსთვის" მართლაც უპრეცედენტოდ წარმატებული იყო. 2011-ში კომპანიამ ბიუჯეტში 90 მილიონზე მეტი ლარი შეიტანა, ხოლო ბენზინგასამართი სადგურების ქსელი 58-იდან 66-მდე გაიზარდა. კომპანია შეინარჩუნებს ქსელის გაფართოებისკენ აღებულ კურსს და წელს ქვეყნის მასშტაბით ქსელს კიდე 6 სადგური შეემატება. ასევე უახლოეს მომავალში კომპანია მართვის ინტეგრირებული სისტემების დანერგვას და ბენზინგასამართი სადგურების სრულ ავტომატიზირებას გეგმავს. "რომპეტროლ საქართველოსთვის" მეტად მნიშვნელოვანი და სასიამოვნოა კომპანიის მუშაობის შედეგების მაღალი შეფასება. მუდამ ორიენტირებული ვართ იმაზე, რომ ჩვენ მიერ გადადგმული ყოველი ნაბიჯი სასარგებლო იყოს არა მხოლოდ კომპანიისთვის, არამედ მთლიანად საზოგადოებისთვის და მომხმარებლებს არაერთ წარმატებულ პროექტს შევთავაზებთ", - განაცხადა "რომპეტროლ საქართველოს" გენერალურმა დირექტორმა ნურკენ მურზაგალიევმა.
ტრანსნაციონალური კომპანია "რომპეტროლი" საქართველოს ბაზარზე თითქმის 7 წელია წარმატებით მოღვაწეობს. "რომპეტროლ ჯგუფის" მთავარი ოფისი ამსტერდამში მდებარეობს და ამჟამად მსოფლიოს სხვადასხვა ქვეყნებში 50-მდე კომპანიას აერთიანებს.