კომპანია Nokia Siemens Network-ი გლობალური რესტრუქტურიზაციის ფარგლებში დაახლოებით 29 000 სამუშაო ადგილს შემცირებს. გერმანული კონცერნის შემცირებას დაქვემდებარებულ თანამშრომელთა რიცხვი მთლიანი რაოდენობის მესამედია.
Nokia Siemens-ის თანამშრომელთა პროფესიული კავშირის წარმომადგენლები არ ეთანხმებიან შემცირებას და გეგმავენ შეინარჩუნონ სამუშაო ადგილები. ამასთან, გერმანიაში შემცირებით კომპანია არ დაკმაყოფილდება და კიდევ 1200 თანამშრომელს შეამცირებს ფინეთში.
ადრე გავრცელებული ინფორმაციით, კომპანია 2013 წლის ბოლოსათვის გეგმავს შეამციროს 17 000 ადამიანი. აღნიშნული ზომა მიმართულია კონცერნის დანახარჯების შესამცირებლად წელიწადში 1 მილიარდი ევროთი.
Nokia Siemens-ი 2007 წელს დაარსდა. ბოლო რამდენიმე წელია წამგებიანია მიუხედავად იმისა, რომ მსოფლიოში სატელეკომუნიკაციო მოწყობილობათა წარმოების მიხედვით მეორე ადგილს იკავებს.
