მთავრობამ 2012 წლის გაზის ბალანსი დაამტკიცა. ენერგეტიკისა და ბუნებრივი რესურსების მინისტრის ბრძანების მიხედვით, ლიცენზიანტი თავად იღებს გადაწყვეტილებას გაზის მომწოდებელი ქვეყნის მიხედვით წყაროების ჩანაცვლებაზე.
"ბუნებრივი გაზის სექტორის მდგრადობის, სტაბილურობისა და საიმედო ფუნქციონირების უზრუნველყოფის მიზნით, ბუნებრივი გაზის ტრანსპორტირების ლიცენზიანტი უფლებამოსილია, დამოუკიდებლად მიიღოს გადაწყვეტილება ბუნებრივი გაზის ბალანსით გათვალისწინებული ბუნებრივი გაზის იმპორტის საერთო მოცულობის ფარგლებში, მომწოდებელი ქვეყნის მიხედვით წყაროების ჩანაცვლების შესახებ", - ნათქვამია ბრძანებულებაში.
2012 წელს საქართველო 1,486.150 მლნ. კუბურ მეტრ გაზს მიიღებს, საიდანაც საქართველო აზერბაჯანიდან 1,263.150 მლნ. კუბურ მეტრ გაზს მიიღებს, რუსეთიდან 211.000 მლნ-ს, ხოლო 2012 წლისთვის ადგილობრივი მოპოვება 12.000 კუბური მეტრითაა განსაზღვრული.
მინისტრის ბრძანებულებაში აღნიშნულია, რომ ყველაზე მცირე მოწოდება ივლისში იქნება და ივლისის მოწოდება 46.400 მლნ. კუბური მეტრითაა განსაზღვრული, ხოლო ყველაზე დიდი მიწოდება 225.550 მილიონით.