2011 წელს უძრავი ქონების ბაზარზე აქტივობის მიხედვით თბილისი და ბათუმი ლიდერობენ. საჯარო რეესტრის ეროვნული სააგენტოს ინფორმაციით, გასული წლის განმავლობაში ქალაქ თბილისში 25573 ყიდვა-გაყიდვის ტრანზაქცია დარეგისტრირდა, ხოლო ბათუმში 3489 ტრანზაქცია. რაც შეეხება რუსთავს, 2011 წლის განმავლობაში 3142 ყიდვა-გაყიდვის ტრანზაქციაა დარეგისტრირებული.
საჯარო რეესტრის ეროვნული სააგენტოს ინფორმაციით, სტატისტიკის მიხედვით, ყიდვა-გაყიდვის აქტიობით მეოთხე ადგილზე გარდაბანია (2835 ტრანზაქცია), მეხუთეზე - ქუთაისი (2776 ტრანზაქცია), მეექვსეზე - გურჯაანი (2280 ტრანზაქცია), მეშვიდეზე - გორი (2237 ტრანზაქცია), ხოლო მერვე ადგილზე მცხეთის მუნიციპალიტეტია, სადაც გასულ წელს 2153 ტრანზაქციაა დარეგისტრირებული. მეცხრე ადგილზე თელავია 1403 ტრანზაქციით, ხოლო მეათე ადგილზე 1303 ტრანზაქციით.