2011 წლის ერთ-ერთ მთავარ მიღწევად "თიბისი ბანკი" მზარდი ფინანსური ინსტიტუტის, ბანკი "კონსტანტას" აქციათა საკონტროლო პაკეტის შეძენას მიიჩნევს. ამ გარიგებით, "თიბისი ბანკმა" მყარი პოზიციები დაიკავა მიკრობიზნესის დაკრედიტების ბაზარზე, სადაც მანამდე ის აქტიურად არ იყო წარმოდგენილი.
ამ ტრანზაქციის შემდეგ, 2011 წლის განმავლობაში "კონსტანტამ" 78%-ით გაზარდა აქტივები და 71%-ით გაზარდა საკრედიტო პორტფელი.
2011 წელი ასევე წარმატებულად ფასდება "თიბისი ბანკის" სხვა შვილობილი კომპანიების მიერაც: "თიბისი ლიზინგმა" საბაზრო წილი 18,7 პროცენტული პუნქტით გაზარდა, აზერბაიჯანში მოღვაწე "თიბისი კრედიტის" აქტივები შარშან 35%-ით გაიზარდა, საკრედიტო პორტფელი კი - 31%-ით. 15 მლნ აშშ დოლარით გაიზარდა "თიბისი ინვესტის" (ისრაელი) დეპოზიტების პორტფელი.