აშშ-ის მთავრობამ საქართველოს ენერგეტიკის სექტორის დაკრედიტება 3 მლნ. 325 ათასი დოლარით გაზარდა. ენერგეტიკის ინფრასტრუქტურის განვითარებისთვის ამერიკის შეერთებულ შტატებსა და საქართველოს შორის ხელმოწერილ დახმარების შესახებ ხელშეკრულებაში ცვლილება შევიდა.
საქართველოს მთავრობამ და USAID-მა, 2010 წლის 25 თებერვალს ენერგეტიკის ინფრასტრუქტურის განვითარების დაჩქარების მიზნით ხელშეკრულება გააფორმეს, რითაც აშშ-ის მთავრობამ საქართველოს ენერგეტიკულ სექტორს 123 მლნ. 260 ათასი დოლარი გამოუყო. თუმცა ხელშეკრულებაში შესატანი ცვლილების მიხედვით, დახმარების თანხა 123 მლნ. 260 ათასი დოლარიდან 128 მლნ. 12 ათას 670 დოლარამდე იზრდება. ხოლო საქართველოს მთავრობის მონაწილეობა 41 მლნ. 86 ათას 666 დოლარიდან 42 მლნ. 244 ათას 181 დოლარამდე იზრდება. შესაბამისად, USAID-ის მთლიანი დახმარება 3 მლნ. 325 ათას 14 დოლარით გაიზრდება.
