კანადური კომპანია Research in Motion განიხილავს შესაძლებლობას, გაყიდოს თავისი ბიზნესი ნაწილობრივ ან მთლიანად. ამის შესახებ Boy Genius Report იტყობინება.
მათი განცხადებით, BlackBerry-ის მწარმოებელი მობილურ ტელეფონში ლიცენზირებული ოპერაციული სისტემების ჩადებას აპირებს, რათა მყიდველისთვის უფრო მიმზიდველი პროდუქტი იყოს.
გასული წელი ძალიან რთული იყო RIM-ისთვის. კომპანიამ ონლაინსერვისების უძლიერესი შეფერხება გადაიტანა. იგი იძულებული გახდა BlackBerry-ს ფასი სერიოზულად დაეწია და ახალი ვერსიის სმარტფონის გამოშვება შეეჩერებინა. ამ ყველაფერმა დიდი გავლენა მოახდინა შემოსავლებზე და გასულ წელს კომპანიას მოგება თითქმის არ ჰქონდა.
საინფორმაციო წყაროს განცხადებით, RIM-ის მმართველები, მაიკლ რაზარიდისი და ჯიმ ბასილი, კომპანიას 10 მილიარდ დოლარად გაყიდიან. მყიდველებად Microsoft და Nokia მოიაზრებიან.
