ესპანური პროექტი Hiriko Citycar-ი ბაზარზე ახალ მინიავტომობილს გაიტანს, რომელსაც უჩვეულო კონსტრუქცია აქვს. Hiriko Citycar-ი ორადგილიანი სატრანსპორტო საშუალებაა, რომელსაც ელექტროძრავა აქვს. ის სპეციალურად დიდი ქალაქებისთვის შეიქმნა, სადაც ინტენსიური მოძრაობა და პარკირების ადგილების დეფიციტია.
ავტომობილს 4 მბრუნავი თვალი აქვს, რაც მას ადგილზე შემობრუნების საშუალებას აძლევს. უჩვეული კონსტრუქციის წყალობით, ძარა შეიძლება დაპატარავდეს. აკუმლატორის ბატარეები 120 კმ. გასავლელად არის საკმარისი. ავტომობილის მაქსიმალური სიჩქარე შეზღუდულია და ის განკუთვნილი არ არის ქალაქგარეთ მგზავრობისთვის.
პროექტის ავტორები ფიქრობენ, რომ ევროპის ქალაქების ხელისუფლება დაინტერესდება ახალი გამოგონებით და შეიქმნება სპეციალური პროგრამა Hiriko Citycar-ის ქალაქში მცხოვრებთათვის იჯარით გასაცემად. ავტომობილის ღირებულება 12 ათას 500 ევროა.