პორტუგალიის მთავრობამ და UGT-ის პროფგაერთიანებამ ხელი მოაწერეს შეთანხმებას, შრომის ბაზრის რეფორმის შესახებ. ახალი შეთანხმება აადვილებს თანამშრომლის დაქირავების და გათავისუფლების პირობებს. ასევე ამცირებს გამოსასვლელი დღეების რაოდენობას. პორტუგალიის უმსხვილესმა პროფგაერთიანებამ (CGTP) მხარი არ დაუჭირა შეთანხმებას, იმის მიუხედავად, რომ ხელისუფლებამ ტექსტიდან ამოიღო პუნქტი სამუშაო კვირის გაზრდის შესახებ. CGTP-ის პოზიციის მიუხედავად, ქვეყნის ეკონომიკის მინისტრი ალვარო სანტოშ-ტერეირა წარმატებაზე საუბრობს.
"პორტუგალიამ კვლავ აჩვენა მსოფლიოს და ბაზრებს, რომ ჩვენ შეგვიძლია უთანხმოებების დაძლევა და რთულ მომენტებში გაერთიანება. ვითარება კი ნამდვილად არ არის მარტივი", - განაცხადა მინისტრმა.
მიმდინარე წელს მსოფლიოს სავალუტო ფონმდის პროგნოზით ქვეყნის ბიუჯეტის დეფიციტი 5,4 % იქნება. თავად ლისაბონი კი საერთაშორისო კრტედიტორებს მის დაწევას 4,5 %-მდე ჰპირდება. რეცესია გრძელდება უმუშევრობა კი 13 %-ს აჭარბებს.
