მალე ბათუმში თურქეთის საერთაშორისო განვითარებისა და თანამშრომლობის სააგენტოს "თიკას" ხელშეწყობით, უცხო ენათა ცენტრი ამოქმედდება, სადაც თურქული ენის გარდა ინგლისურის შესწავლაც იქნება შესაძლებელი.
აჭარის მთავრობის ინდორმაციით, რეგიონის მთავრობის თავმჯდომარემ, დღეს თურქეთის საერთაშორისო განვითარებისა და თანამშრომლობის სააგენტოს "თიკას" წარმომადგენლები მიიღო. დონორი ორგანიზაციის წარმომადგენელმა საქართველოში, რესულ დუნასმა შეხვედრაზე აღნიშნა, რომ მათი სურვილია 2012 წელში აქტიურად ითანამშრომლონ ჯანდაცვის, განათლებისა და კულტურის სფეროებში.
გასულ წელს, "თიკას" ხელშეწყობით ხულოში,ქედასა და ქობულეთში მოძველებულ პოლიკლინიკებს რეაბილიტაცია ჩაურატდა და თანამედროვე ტექნიკით აღიჭურვა. ამჯერად მახინჯაურის სამედიცინო ცენტრის შეკეთება იგეგმება.
შეხვედრაზე მაჭახელა–მარადიდის შემოვლითი გზის მშენებლობაზეც ისაუბრეს და აღნიშნეს, რომ უახლოეს პერიოდი საზღვარზე გაიხსნება ერთობლივი გამშვები პუნქტიც. მეზობელი ქვეყნის წარმომადგენლები სამომავლოდ გარემოს დაცვისა და სოფლის მეურნეობის სფეროებში გეგმავენ თანამშრომლობას.
მასალის გამოყენების პირობები