სასამართლოში საავტორო უფლებათა ასოციაციის დავების რაოდენობა 2011 წლის 11 მაისის მდგომარეობით 54 იყო, აქედან მორიგებით 31 დასრულდა, რომელთანაც ლიზენციები გაფორმდა, ასევე ასოციაციის სასარგებლოდ 17 დავა დასრულდა. 11 მაისის შემდეგ დავებთან დაკავშირებით კი დღეს საავტორო უფლებათა ასოციაცის ხელმძრვანელმა გიგა კობალაძემ პრესკონფერენციაზე განაცხადა.
"2011 წლის 11 მაისის შემდეგ დაწყებული დავების რაოდენობა 9 იყო, აქედან დასრულდა მორიგებით და გაფორმდა ლიცენზიები - 1 შემთხვევაში, ასოციაციის სასარგებლოდ დასრულდა 3 დავა, შეწყდა - 2, ამჯერად კი მიმდინარეობს - 3 პროცესი. სასამართლო დავების რაოდენობა 2011 წლის 31 დეკემბრის მდგომარეობით 7 ფიქსირდება", - განაცხადა კობალაძემ.
დღეს, ასევე საავტორო უფლებათა ასოციაცია 2011 წლის საქმიანობის შედეგები შეაჯამებისას ასოციაციის ხელმძღვანელმა, გიგა კობალაძემ პრესკონფერენციაზე მათ მიერ 2011 წლის მანძილზე გაწეული მუშაობის, მათ შორის გაცემული ლიცენზიების, შეგროვებული და ავტორებზე განაწილებული ჰონორარების რაოდენობის, საავტორო უფლებათა დარღვევების გამოვლენის და სასამართლოში საქმეთა წარმოების შესახებ ისაუბრა.
"სტატისიკური მონაცემები მნიშვნელოვნად არის გაზრდილი,ასევე გზარდილია გადახდილი და შეგროვებული ჰონორარების რაოდენობაც, დარეგულურებულია სასამართლო დავების მიმდინარეობა და მთლიანობაში შემიძლია გითხრათ, რომ მაჩვენებელი დამაკმაყოფილებელია. კმაყოფილი ვარ ასოციაციის თანამშრომლების მუშაობით, რომელთაც მადლობა მინდა გადავუხადო. ჩვენ კვლავ, აქტიურად განვაგრძობთ მუშაობას", - განაცხადა გიგა კობალაძემ.
როგორც ცნობილი გახდა, წლიური შედეგების შესახებ დეტალური ინფორმაციას ასოციაცია უახლოეს მომავალში ბეჭდური სახით გამოაქვეყნებს.