ვალმერ ბუთბას მკვლელობაში აფხაზი სეპარატისტები ქართულ მხარეს ადანაშაულებენ. ინფორმაციას ამის შესახებ აფხაზეთის ე.წ. გენპროკურატურა ავრცელებს.
სეპარატისტების ინფორმაციით, ვალმერ ბუთბას მკვლელობაში ეჭვმიტანილ 1977 წელს დაბადებულ ბადრი დათიკოს ძე სამუშიაზე სეპარარტისტებმა საერთაშორისო ძებნაში გამოაცხადეს.
"გამოძიების ხელთ არსებული ინფორმაციით, ბადრი სამუშია საქართველოს სპეცსამსახურებმა გადაიბირეს", _ იუწყება აფხაზეთის ე.წ. გენპროკურატურა.
შეგახსენებთ, რომ 29 დეკემბერს გამთენიისას გალის გამოსასვლელში მდებარე სასაფლაოზე პოლკოვნიკ ვალმერ ბუთბასა და თამაზ კვეკვესკირის ცხედრები აღმოაჩინეს.
