იარაღი, რომელიც ცნობილ ამერიკელ ყაჩაღებს ბონი პარკერს და კლაიდ ბეროუს ეკუთვნოდა, აუქციონზე გაიყიდება. ვაჭრობის ორგანიზატორად აუქციონის სახლი Mayo Auction & Realty გამოვიდა.
აუქციონი 21 იანვარს კანზას-სიტში გაიმართება.
ბონი ელიზაბეტ პარკერი 1910 წლის 1 ოქტომბერს ქალაქ როვენაში, ტეხასის შტატში დაიბადა. ოთხი წლისას მამა დაეღუპა დედა კი სამ შვილთან ერთად დალასში გადავიდა საცხოვრებლად. ბონი სკოლაში კარგად სწავლობდა, ქონდა მსახობობისა და იმპროვიზაციის ნიჭი. 15 წლისამ მიატოვა სწავლა და 150 სმ. სიმაღლისა და 36 კგ. წონის გოგონა გათხოვდა როი ტორნტონზე.
1927 წელს მუშაობა მიმტადანდ „კაფე მარკოში" დაიწყო. შემდეგ გაეყრა ქმარს, თუმცა სიკვდილამდე ატარებდა საქორწინო ბეჭედს.
კლაიდ „ჩემპიონი" ჩესტნატ ბეროუ 1909 წლის 24 მარტს ქალაქ ტელიკოსთან ახლოს ტეხასის შტატში დაიბადა. ის ოჯახში მეხუთე შვილი იყო. პირველად პოლიციამ იგი 1926 წელს მანქანის გატაცების გამო დააკავა. შემდეგ იგი რამდენჯერმე მოხვდა ციხეში.
ბონი და კლაიდი ერთმანეთს 1930 წელს შეხვდნენ. მათ ერთად ჩამოაყალიბეს ბანდა, რომელიც თავზარს სცემდა არა მხოლოდ რიგოთ მოქალაქეებს არამედ განგსტერებსაც კი.
ისინი ფედერალური გამოძიების ბიუროს მიერ ყველაზე საშიში დამნაშავეების სიაში იყვნენ შეყვანილნი.
ბონი და კლაიდი პოლიციამ 1934 წლის 23 მაისს ჩასაფრების შედეგად მოკლა. მანქანას, რომელშიც ისინი იმყოფებოდნენ 167 ტყვია ესროლეს.
მოგვიანებით შერიფმა ფრენკ ჰაიმერმა ჟურნალისტებს უთხრა: „სამწუხაროა რომ მოვკალი გოგონა, მაგრამ საქმე ისე იყო, რომ ან ჩვენ მოვკლავდით მათ, ან ისინი ჩვენ".
