მოსკოვი რუსულ ბაზარზე მინერალური წყლის "ბორჯომის" დასაბრუნებლად მოლაპარაკებებს აწარმოებს. ეს განცხადება რუსულ მედიასთან საუბარში რუსეთის მთავარმა სანიტარმა გენადი ონიშენკომ გააკეთა.
"როსპოტრებნადზორის" ხელმძღვანელის თქმით, მოლაპარაკებები მიმდინარეობს კომპანია-მიმწოდებლებთან და არა საქართველოს ხელისუფლებასთან.
"კომპანიებს შველით ის, რომ ისინი საქართველოს ტერიტორიაზე დარეგისტრირებული არ არიან", _ აცხადებს ონიშჩენკო.
აღსანიშნავია, რომ ადრე ონიშჩენკო აცხადებდა, რომ "ბორჯომი" შესაძლოა რუსეთის ტერიტორიაზე 2011 წლის ბოლომდე დაბრუნდეს.
მინერალური წყლის მიწოდება რუსეთის ფედერაციისათვის 2006 წლიდან აღარ ხორციელდება.