ვისოლ ჯგუფმა ყვარელში სუპერმარკეტი „სმარტი" და ავტოგასამართი სადგური გახსნა. 5 000-მდე პროდუქტი სუპერმარკეტში და ავტოგასამართ სადგურზე არსებული ნავთობპროდუქტები ევრო ხუთის სტანდარტის იტალიურ აპისთან ერთად მომხმარებელს ფართო არჩევანს სთავაზობს და დამატებით კომფორტს უქმნის.
ქალაქის ცენტრში, ჭავჭავაძის გამზირ #43-ში მდებარე „სმარტის" სუპერმარკეტში განთავსებულია საცხობიც. ყოველდღიური მოხმარების ადგილობრივი და დასავლეთ ევროპიდან იმპორტირებული პროდუქტები და ზომიერი ფასები სუპერმარკეტში, ინტერნეტ (WIFI) ზონა, ბანკომატი და სწრაფი გადახდის აპარატი ყვარლის მოსახლეობას სრულ კომფორტს უქმნის. განსხვავებული დიზაინის სავაჭრო ცენტრი თანამედროვე სამშენებლო ტენოლოგიებით აშენდა. მსგავსი ტიპის სავაჭრო ცენტრი კახეთის რეგიონში დღესდღეობით არ არსებობს.
„ვისოლ ჯგუფის რეგიონალური განვითარება აქტიურ ფაზაში შედის. მოხარულნი ვართ, რომ დღეიდან ყვარლის მოსახლეობას საშუალებას ვაძლევთ, ევროპული სტანდარტების სუპერმარკეტ „სმარტში" მათთვის საჭირო 5 000-მდე პროდუქტი კომფორტულ გარემოში მისაღებ ფასად შეიძინონ. ვისოლის ავტოგასამართ სადგურზე კი საუკეთესო ხარისხის საწვავი მიიღონ. ყველაზე მეტად ის გვახარებს, რომ ყოველი ობიექტის გახსნა ახალი სამუშაო ადგილების შექმნას და ასობით ოჯახში შემოსავლის წყაროს გაჩენას ნიშნავს," - აცხადებს ვისოლ ჯგუფის სამეთვალყურეო საბჭოს თავმჯდომარე სოსო ფხაკაძე.
„სმარტის" პროექტი მიმდებარე ტერიტორიის კეთილმოწყობასაც ითვალისწინებს. მოსახერხებელი პარკირების ზონა მომხმარებელს დაამტებით კომფორტს უქმნის. ვისოლის ავტოგასამართ სადგურზე დამონტაჟებული მაღალტექნოლოგიური ამერიკული საწვავის მიწოდების სისტემა კი 100% სიზუსტით ახდენს მომხმარებლისათვის საწვავის მიწოდებას.
ყვარელში ახალი ობიექტების განვითარებისათვის ვისოლმა ორ მილიონამდე ლარის ინვესტიცია განახორციელა.
სუპერმარკეტ „სმარტსა" და ვისოლის ავტოგასამართ სადგურზე ყვარელში 40-მდე ადამიანი დასაქმდა. ყველა მათგანმა ვისოლ ჯგუფის აკადემიაში სპეციალური სწავლება გაიარა.
ვისოლ ჯგუფმა „სმარტის" ქსელის განვითარება 2010 წელს დაიწყო. „სმარტის" სუპერმარკეტები დღესდღეობით წარმატებით ფუნქციონირებს აღმაშენებლის ხეივნის მე-13 კილომეტრზე, ვაზისუბნის მეორე მიკრორაიონში, მარნეულსა და ჩქაროსნული ავტომაგისტრალის გორის მონაკვეთზე.