2011 წლის "ოქროს პერგამენტის" მფლობელი საქართველოში მოქმედი უცხოური კომპანიებიდან, "რომპეტროლი" გახდა.
ახალი ამბების სააგენტო „ჯი-ეიჩ-ენის" მიერ ორგანიზებულ წლის ადამიანებისა და კომპანიების" გამოსავლენ გამოკითხვაში ნომინაციაში „წლის უცხოური კომპანია" ასევე დასახელებულნი იყვნენ: Maersk; Mobi Pay; რაკინი; სოკარი; ჰაიდელბერგი და შატო მუხრანი;
"რომპეტროლ საქართველო" ევრო სტანდარტის საწვავის უმსხვილესი მომწოდებელია ქართულ ბაზარზე. კომპანია 6 წელია მუშაობს საქართველოში. ამ პერიოდის განმავლობაში 25 მილიონ დოლარზე მეტი ინვესტიცია განახორციელა.
"რომპეტროლ ჯგუფი" ტრანსნაციონალური ნავთობკომპანიაა, მისი მთავარი ოფისი ამსტერდამში მდებარეობს და ამჟამად მსოფლიოს 16 ქვეყანაში აქვს წარმომადგენლობა. მისი ბრუნვა 10 მილიარდ დოლარს აღწევს. ძირითადად წარმოდგენილია საფრანგეთში, რუმინეთში, ესპანეთსა და სამხრეთ-აღმოსავლეთ ევროპაში. რომპეტროლს ჯგუფის მფლობელია კომპანია „ყაზმუნაიგაზი".
შეგახსენებთ, რომ ახალი ამბების სააგენტო „ჯი-ეიჩ-ენის" ორგანიზებით წლის ადამიანებისა და კომპანიების დაჯილდოების ცერემინილი - „ოქროს პერგამენტი" 24 დეკემბერს იმართება და მას კომპანია ბაგრატიონი 1882-ის დარბაზი მასპინძლობს.
2011 წელს გამარჯვებულები 11 ნომინაციაში გამოვლინდნენ, ასევე გაიცა საპატიო „ოქროს პერგამენტიც". გამარჯვებულების გამოსავლენად გამოკითხვა მთელი საქართველოს მასშტაბით ჩატარდა და მასში მონაწილეობა 2986-მა რესპოდენტმა მიიღო.
საკონსულტაციო ჯგუფი GCG-ის მიერ ჩატარებულ კვლევაში რესპოდენტების რაოდენობა შემდეგნაირად გადანაწილდა: თბილისი - 42%, კახეთი - 9%, ქვემო ქართლი - 7%, შიდა ქართლი - 6%, იმერეთი - 10%, სამეგრელო - 10%, გურია - 3%, მცხეთა მთიანეთი - 3%, აჭარა - 10%.
რაც შეეხება გამოკითხულთა სოციალურ მდგომარეობას, აქ სტატისტიკა ასე გამოიყურება: სტუდენტი - 10%, დასაქმებული - 29%, თვითდასაქმებული - 23%, უმუშევარი - 24%, პენსიონერი - 14%.
გამოკითხულთა შორის 53% ქალია, ხოლო 47% მამაკაცი.
წელს „ოქროს პერგამენტის" დაჯილდოების ცერემონიალის სპონსორები იყვნენ კომპანიები ავერსი, გუდვილი, ნატალი და ფლაუერსი.