2011 წელს კომპანია თელასი დადებითად აფასებს.
როგორც დღეს სასტუმრო რადისონში გამართულ 2011 წლის შემაჯამებელ ღონისძიებაზე გახდა ცნობილი, 2011 წელს თელასის მიერ საწარმოო და არასაწარმოო სფეროში ჩადებული ინვესტიციების მოცულობა 27,5 მილიონ ლარს შეადგენს. როგორც კომპანიის გენერალურმა დირექტორმა განაცხადა, ამ თანხიდან მიმდინარე წლის 11 თვის განმავლობაში ათვისებულია 22,6 მილიონი ლარი, საიდანაც 15 მილიონი ლარი გამანაწილებელი ქსელის ტექნიკური გადაიარაღება-მოდერნიზაციისა და გაფართოება-რეკონსტრუქციის პროექტების განხორციელებას მოხმარდა.
კომპანიის ინფორმაციით, 2011 წელს დასრულების სტადიაშია ისეთი სამუშაო, როგორიცაა უსადენო კავშირის მოწყობა, ელექტროენერგიის კომერციული აღიცხვის ავტომატიზებული სისტემის დასანერგად; სამი მაღალი ძაბვის გამანაწილებლი ქვესადგური ("არსენალი", "საბურთალო3", "დინამო") რეკონსტრუქცია; სამი ცენტრალური გამანაწილებელი პუნქტი "5 000". "7 044" "4 034" სრული რეკონსტრუქცია; 10/6-კილოვატიან ათ ქვესადგურში ძალოვანი ტრანსფორმატორების შეცვლა; სატრანსფორმატორო ქვესადგურებში 79 უჯრედის შეცვლა; 35/10/6/04-კილოვოლტიანი ამორტიზირებული საკაბელო ელექტროგადამცემი ხაზების განახლება (სულ 55 კილომეტრზე მეტი). ასევე 2011 წელს განხორციელდა მაღალი ძაბვის ქვესადგურებში "მთაწმინდა", "საბურთალო 2" ორი ძალოვანი ტრანსფორმატორის კაპიტალური რემონტი ჩატარდა. ზემოთ აღნიშნული სამუშაოს ღირებულებამ კი 9,4 მილიონი ლარი შეადგინა. რაც შეეხება ქსელის გაფართოება-რეკონსტრუქციასა და ახალი აბონენტების მიერთებას, ამ პროექტის განსახორციელებლად 2011 წლის 11 თვეში კომპანიამ 5.6 მილიონი ლარი დახარჯა.